Kerkuk Kurdistan e

Şer û gêreya van du-sê mehên dawî ji bo komkirina kurdan li dorê Abdullah Ocalanî bû. Her cara îhtimala alternatîfekê ji bo kurdan derkeve meydanê, tirk hindek kurd didin kuştin da kurd bikevin bin emrê Abdullah Ocalanî. Çekê herî giran û mezin yê tirkan Abdullah Ocalan e û wisa xuya dike dê heta mimkin be wî çekî ne avêjin.

Prosesek nû

Kurdan heq heye ji her gava dewleteka dagirkera Kurdistanê davêje şikê bike. Ne ji yên negatîf tenê, her wisa ji yên pozîtîf jî. Lê proseseka dewam dike heye ko gerek mirov hesabê wê jî bike. Medyaya tirkan û apocî nahêlin kurd prosesê fêm bikin. Lewra jî guhortinên li Tirkiyeyê dibin, xelet tên tefsîr kirin û xebateka mezin heye ko nehêle bêt fêmkirin. Li Tirkiyeyê guhortin dibin, dewlet têt guhortin, civat têt guhortin û hêzên paşverû naxazin guhortin bibin, naxazin wek guhortin bêt fêmkirin.

Arîkariya îstixbaratê

Piştî xircireka mezin tirk hatin li niqteyekê sekinîn. Hêdî li Tirkiyeyê jî behsa lihevhatinê têt kirin. Her çenda lihevhatina têt behskirin ne diyar be jî, gutûbêjeka li ser rewşa kurdan û tirkan têt kirin. Ev gotûbêj dê rê li peymanan veke yan ne ne diyar e. Lê çend niqteyên ko ji axaftinên berpirsyarên emerîkî, tirk û kurd aşkere bûyî hene. Mirov dikare behsa lawaziyên rewşê bike û ji niqteyên aşkere, helwesta terefan û bûyerên mihtemel texmîn bike ka çi dikare bibe.

Rapora Gruba Krîzên (çêkirina) Navneteweyî ji tezên tirkan pêk têt

SWÊD, 21/7 2006 — Gruba Krîzên Navnetweyî di 18-ê vê mehê (temûz 2006) de raporek li ser Kerkûkê weşand. Medyaya tirkan herwekî rapor tişteka gelek giring be derxist pêş. Çendîn nivîskarên tirkan rapor kirin bingehê nivîsarên xwe, yan behsa wê kirin. Rapor di demê tirk dibêjin ew di midaxeleyî başûrê Kurdistanê bikin de hat weşandin û ev jî bû egera ko rapor balkêştir dibe. Rapora Gruba Krîzan bi carekê nêzîkî standardên navnetewî û ewropî nabe. Temamî li gor helwest û daxazên tirkan yên li ser Kerkûkê hatiye amade kirin. Heger mirov bibêje armanca vê raporê kûrkirina krîzê ye dê xelet nebe. Rapor daxazên tirkan teklîf dike.

Gelo “Îrana Nukleer” mimkin e?

SWÊD, 9/6 2006 — Helwesta Emerîkayê ya fermî ew e ko nabe Îranê çekên nukleer û teknîka çêkirina çekên nukleer hebe. Hindek dewletên Yekîtiya Ewropayê dixazin Îranê qane bikin ko çekên nukleer çêneke û lê negere teknîka çêkirina çekên nukleer peyda bike. Emerîkî jî dibêjin wan îmkanên dîplomasiyê hêj xelas nekirine. Lê omêda pispor û siyasetmedarên xerbî ji qanekirina Îranê ko dest ji programa zengînkirina uranyumê berde dişkê. Hingî diçe xerb nêzîkî demê qerarê dibe. Yanî heger Îran teklîf û tehdîdên xerbê qebûl neke, dê xerbî mecbûr bibin qerarekê bidin. Gelo îhtimala ko Îran bibe xwediyê çekên nukleer û teknîka çêkirina çekên nukleer bêyî şerê wê bêt kirin heye?

Çend têbinî û pêşniyar ji rêvebirên FKKS-ê re

STOCKHOLM, 18/5 2006 — Di 25 saliya avakirina Federasyona Komelên Kurdistanê a li Swêdê, hemû karmend û rêvebirên wê pîroz dikim û jibo berdewamiya xebata wan serkeftinê dixwazim.

Federasyona Komeleyên Kurdistanê li Swêdê wek ko bi armancên danîne ber xwe û bi kar û çalakiyên heta nuha pêkaniye, saziyek demokratîk û netewî ye. Di 25 salên xebata xwe de taybetmendiya xwe a wek saziyek kurdî netewî û demokratik parastiye. Jibo civaka kurdî a li Swêdê hewil daye xebatek hêja bike û gelek karê erînî kirine.

Faris û tirk — du dijmin-dost

SWÊD, 16/5 2006 — Ziyareta serokê Komisyona Emniyeta Îranê Elî Larîjanî û civînên di navbera Mehmut Ehmedînejat û Tayyip Erdoganî de helwesta tirkan zelaltir nekir. Tirk naxazin Îran bibe armanca xerbê lê naxazin Îran bê bela ji vê krîzê bifelite jî. Îran û tirk du dost-dijmin in. Ji aliyekê ve bo hev xweş dikin û ji aliyê dî ve qebra hev dikulin. Îran dixaze bi çend saroxên avêtin Qendîlî tirkan qane bike. Herçenda medyaya tirkan bi mebesta xurtkirina dijberiya Emerîkayê propagandeya Îranê kiribe jî berpirsyarên tirk giringiyeka mezin di topên Îranê avêtin Qendîlî de nabînin. PKK wek berê ji bo herdu aliyan jokêr e û herdu jî li gor lehîstokê wê bikar tînin.

Kongreya Brûkselê û avakirina meclisa netewî ya kurd bo rojavayê Kurdistanê

Ji dema ko yekem partiya siyasî bi navê (Partî Demokratî Kurdisatnî) di sala 1957-ê de li Kurdistana rojava bi qehremanî hat damezirandin û ta roja îro, tevgera me ya siyasî di nav kefteleftek ji nakokiyên navxweyî û zêdetir jî nakokiyên kesayetî de dijî. Van nakokiyên ne siruştî milet gelek li paş hişt û kir êsîr û girêdayê biryarên kesên serkirde. Ev di nav tevgera kurdî de ji wê serdemê ta roja îro dewam dike. Kêm zêde heta radeyeke baş mirov dikarê qebûl bike ko miletê me jî wek hemû miletên cîhanê wê bîr û boçûnên cida, îdyolociyên cida hebe. Ev tê wê watê ko wê partiyên çep û rast û naverast û neyeksan hebin lê ne bivê ecêba ko mirov di jimartina wan de şaş dibê û hetanî mixabin hindek ji wan bi navê kesan tên naskirin.

Celal Talebanî realîte anî bîra Birahîm Ceferî û tirkan

SWÊD, 8/3 2006 — Heger hêj zû be ko mirov bibêje paradîgmayek nû heye, belkî mirov dikare bibêje konsepteka nû li Iraqê heye. Her siyasetmedar û hêza hesabê konsepta nû û hêzên Iraqê neke dê poşman bibe. Pêwendiyên hindek şîiyan û tirkan diyar dike ko hêj realîteya Iraqê nehatiye fêm kirin. Ziyareta Ceferî û heyeta wî ya armanc diyar, bo egera ko Celal Talebanî realîteyê bîne bîra Ceferî û tirkan. Mam Celal, Erdogan û Ceferî mecbûr kirin ko bibêjin “me henek dikir”.

Tirk dixazin apocî tenê di kontrola wan de bimînin

DIYARBEKIR, 17/9 2005 — Tirk siyaseta dijminahiya miletê kurd didomînin. Medyaya tirkan heroj nûçeyên aşkere dijmanahiya kurdan xurt dike diweşîne. General û berpirsyarên tirkan aşkere dijminahiya kurdan dikin. Şerê apocî dibêjin wan daye sekinandin dê ji nû ve dest pê bike yan ne ne diyar e lê îşaretên ko tirk dixazin apocî ji nû ve bibêjin ew dê şerî bikin hene. Pêr li Tokatê hindek çekdaran avahiyekê eskerî gulebaran kir. Çend roj berê li dorê Colemêrgê mayin teqiyan. Eskerên tirk hatin kuştin û birîndar bûn. Apociyan ne gotine wan mayin danîne yan ne. Tirk li bajar û bajrokên kurd lê kêm êrîşî kurdan dikin. Li Manisayê tirkan êrîşî avahiyê DEHAP-ê kir.

Tecribeya başûrê Kurdistanê — Modeleka nû ji bo rizgariya miletan I

SWÊD, 1/9 2005 — Piştî têkçûna împeretoriyên (kolonyalist) mezin û avabûna dewletên neteweyî li Ewropayê, hêzên cida ko xwediyê perspektîf û hizrên cida bûn, mecbûr man çareyekê bo miletên bindest bihizirin. Maldaran prensîbên Wilsonî û sosyalistan, mafê çarenûsî mîna modelên îdeal destnîşan kirin. Paşê soyalistan miletên bindest kirin fedayê Sovyetê. Kapitalistan jî ew kirin fedayê micadeleya li dijî komunîzmê. Herdu sîsteman li merkezên xwe jî problem çareser nekirin û modela herdu sîsteman jî seqet bû.

Analîza rewşa Kurdistanê li gor Modela Kognitivê

Ne ko bûyer bixwe, lê em çawe bûyeran fêm dikin e ya xofê dixe dilê me

Epiktetos

Nameyek ji tirkekê bi rêya internetê ji hevalek min re hatibû. Ev name li ser meseleya ala tirkan ya vê dawiyê bû. Wî di nameya xwe de rexneyên hişk û herweha sixêf li kurdan dikir. Lê wî kesî di nav gotinên xwe re hinek gotin rêzkiribû ko bala mirov dikişand. Wî gazi kurdan dikir ”ko em nebin lehistokên hêzên derva”. Li gor wî ”divê em bi hev re li ser ”yekîtî û yekbûna” Tirkiye bixebitin. Ev rê tenê ”rêya xelasbûnê ye”. Filan û bêhvan....

Govend û Dîlan, sazbend û lîlan

Abdurrahman Durre

[Duâyê ´Hezretî Mûsa û Himmeta Hezretî Bush (Bûş)]

Govend û dîlan a kemalist û kelmîst a, neyar û sextekara, dîlan û lîlana pîlânê wan gemara. Ko bi kurtî, Ev govend û dîlan, govend û lîlanên pîlanên Tirka ne, dîlan û lîlanên sazbend û pabendên gewendên kurda ne; yanê: dîlan û pîlanê Paşa û faşa û,maşa û şaşa ne!.

Nasname û Serkeftin an “xwezî ez tirk bûma”

I ka 'olelo no ka 'ola, i ka 'olelo ke make
Di ziman de jîyan heye, di ziman de mirin heye
Gotina ewilan ya Hawaîîyan

Pirsek ji te re: destê xwe deyne ser wîjdanê xwe û bersîvê bide: eger tirkîya te ji kurdîya te çêtir be û eger tu di nivis, xwendin û axaftinê de tirkî hêsantir bikaribî bi kar bînî; û du nivis werin ber te, yek bi tirkî yê dî bi kurdî, tuyê kîjan bixweynî? Her wisa, eger hewce bike ko tu tiştek binivsînî, tuyê bi kîjan zimanê binivsînî?

Çil salvegera Partiya Demokrata Kurdistana Tirkiye

[Şakir Epozdemir]

Ji destpêka avakirina partiyê heta operasyona sala 1968 an ko em hatin girtin rol û xebata min a partiyê serkeftî û bergirtî bû. 13 mangên ko em li hepsa Amedê û Antalya yê razan û li bajarê Antalyayê hatin mehkemekirin jî dîsa bi parastina siyasî û mîllî û bi helwesta berevaniya mafên rewa û huqûqî yên neteweya kurd, bi ezm û îrade û raman rawestiyam. Bi minasebeta 40 salvergera Partî min vê parêznameyê, bi pêşgotin û Qerarên mehkemê û programa partiyê ya orjînal û 40 heb bîrhatinên xwe va çap kir û wecîba xwe anî cîh.(1)

Hevpeyvina Eric Edelmanî lawaz bû

SWÊD, 19/6 2005 — Ambasadorê Emerîkayê yê li Tirkiyeyê hevpeyvîneka dirêj bi rojnamevanê tirkan Sedat Erginî re kir. Ambasadorê berê yê Emerîkayê, Robert Pearsonî, jî ji beriya ji Tirkiyeyê here hevpeyvînek bi Sedat Erginî re kiribû. Hevpeyvîna Robert Pearsonî ji aliyê naverok û metod ve ji ya Edelmanî xurtir bû. Pearsonî xetek aşkere û zelal danî ber tirkan û metoda hevpeyvînê jî baştir li gor şert û mercên Tirkiyeyê bû. Robert Pearsonî rojekê axaft û xwe li hêviya reaksiyonan girt. Axaftina didoyê li gor reaksiyon û encamên ya berê ava kir. Lê Edelmanî di hevpeyvîna xwe de hema bêje bi carekê behsa kurdan, ko nêzîkî nîvê nişteciyên Tirkiyeya îro kurd in, nekir, xwe li hêviya reaksiyonan negirt û çû.

Divê xem û xeyala me Dewleta Kurdistanê be û ji bo vê em xwedî vîzyonekî ronî û zelal bin!

ELMANYA, 4/5 2005 — Hin mijar hene pêwist e, em di derbarê wan de, xwedî nêrîneke zelal bin û biryareke me teqez hebe. Yanî kategorîk bersiveke me hebe; erê an na. Kategorik, gotinekî Yewnanî ye û wateya wî, tiştek an rewşek ko sedî sed bi cureyek be û tu şik û guman jê neyê kirin.

Polîtîkaya tirkî(ye)tîyê hêdî hêdî zîl dide û xwe aşkere dike…

ALMANYA, 27/2 2005 — Li deşt û berîyên Kurdistanê, payiza paşîn berî ko serma dest pê bike û berf bikeve, dexlê ajotî serî dide û zevî hêşîn dibin. Ji vê re dibêjin tov serî da, an jî dexlan zîl da. Eger tovekî ajotî bin bigire û şîn bibe, serî dide, ango zîl dide.

Mesûd Barzanî hêjayî serokatiyê ye

SWÊD, 9/2 2005 – Mesûd Barzanî kurdekî azad mezinbûyî ye. Wî her cih û dereceya xwe bi sedan û hezaran caran heq kiriye, bi zanabûn û micadeleyê girtiye. Mesûd Barzanî di bin siha Barzaniyê Mezin de maye lê wext hatiye ko heqê wî bêt qebûl kirin û teslîm kirin. Mesûd Barzanî mîna lîder serketiye. Ew bi taybetiyên xwe, micadele û xebata xwe Mesûd Barzanî ye. Micadeleya miletê kurd li parçeyeka welatî gihaye qunaxeka nû. Mesûd Barzanî di demên gelek teng û tarî de qerarên zanyarane û durbîn girtin. Ev dê tesîrê lê paşeroj û qedera miletê kurd bike, dike.

Tirk û tehdîdên wan

SWÊD, 9/12 2004 – Yekîtiya Ewropayê dê di 17-12-2004-ê de qerarekê di derbareyî tirkan de bide. Dinya alem dizane tirkan şertên dest pê kirina mizakereyan ne anîne cih. Li gor prensîbên Yekîtiya Ewropayê dewleta tirkan nikare nêzîkî Yekîtiya Ewropayê bibe. Tirk jî vê dizanin. Lê tirk çi dibêjin? Tirk dibêjin: Heger Yekîtiya Ewropayê mîna em dixwazin neke em dê hikûmeta AKP-ê bixînin, înqilabeka eskerî bikin, terorê bikin, destekê bidîn El-Qaideyê, kurdan bikujin. Gelo ti kes nîne bibêje tirkan cehnima we û xirabiya we kirî. Tu kes nîne bibêje tirkan çi ji destê we têt bikin.